ប្រិយមិត្តអ្នកអានទស្សនាវដ្តី ពេញចិត្ត ប្រហែលជាមិនបានដឹកទេថា របាយការណ៍មួយបានរកឃើញនូវរលកសញ្ញាចេញពីសេវា Wi-Fi អាចបង្កផលប៉ះពាល់ដល់សុខភាពរបស់យើង។ ទោះបីជាយ៉ាងណាក៏ដោយក្រុមអ្នកបង្កើតឧបករណ៍បច្ចេកវិទ្យារបស់ចិន បានសិក្សាអំពីវាឲ្យកាន់តែច្បាស់ ដើម្បីឆ្លើយតប និងដោះស្រាយបញ្ហានោះ។
ជាការពិតណាស់រលកសញ្ញា ដែលចេញពី Wi-Fi អាចធ្វើឲ្យមានផលប៉ះពាល់ដល់មនុស្សគ្រប់គ្នា យ៉ាងណាមិញ សម្រាប់ស្ត្រីមានផ្ទៃពោះក៏កាន់តែទទួលឥទ្ធិពលអាក្រក់ថែមទៀត ពីរលកសញ្ញានោះ។
ប៉ុន្តែនៅពេលនេះ អ្នកបង្កើតឧបករណ៍បចេ្ចកវិទ្យារបស់ចិន គឺក្រុមហ៊ុន Qihoo 360 បានប្រកាសថា Wi-Fi អាចប្រើប្រាស់នូវមុខងារមួយសម្រាប់ស្ត្រីមានផ្ទៃពោះ។ មុខងារនេះ គឺមានសារៈសំខាន់ណាស់សម្រាប់ស្ត្រី ដោយសារតែវាអាចជួយកាត់បន្ថយវិទ្យុសកម្មបានប្រមាណ៧០ភាគរយ។ នេះបើតាមការចុះផ្សាយរបស់គេហទំព័រ BBC របស់អង់គ្លេស។ ឧបករណ៍ចែកចាយសេវាអ៊ីនធឺណិតថ្មី ឬ Wi-Fiថ្មី នោះឈ្មោះថា P1 ដែលវាមានប្រភេទសេវា២ប្រភេទ គឺ ការបន្ថយការជ្រៀតចូលនៃសេវា និង តុល្យភាពនៃសេវា។
ទោះបីជាយ៉ាងណាក៏ដោយរហូតមកដល់ពេលនេះមិនទាន់មានការបញ្ជាក់ណាមួយច្បាស់លាស់ លើរលកសញ្ញារបស់ Wi-Fi ដែលក្រុមហ៊ុនខាងលើថាអាចធ្វើឲ្យមានផលប៉ះពាល់ដល់យុវវ័យ នឹងទារក។ នេះមានន័យថាការសិក្សានេះ បរាជ័យក្នុងការរកភស្តុតាង ដើម្បីបង្ហាញពីផលប៉ះពាល់អាក្រក់របស់វា។
យ៉ាងណាមិញ អង្គការក្រៅរដ្ឋាភិបាលមិនរកប្រាក់ចំណូលមួយរបស់សហរដ្ឋអាមេរិក The BabaySafe Project បានស្នើឲ្យមានការសិក្សាបន្ថែមទៀត ទៅលើបញ្ហារលកវទ្យុសកម្ម ដែលភាយចេញពីសេវា Wi-Fi ហើយក៏បានអំពាវនាវឲ្យស្ត្រីមានផ្ទៃពោះប្រុងប្រយ័ត្នពេលដែលប្រើប្រាស់ទូរស័ព្ទ ម៉ាស៊ីន Microwave នឹងឧបករណ៍មួយចំនួនទៀតដែលបច្ចេញរលកសញ្ញាកម្រិតទាបក៏ដោយ។
តែបើយោងតាមការផ្សាយរបស់ BBC ដដែលបានដកស្រង់នូវការលើកឡើងរបស់ក្រុមហ៊ុនមួយចំនួនទៀតថា ការបង្កើតឧបករណ៍ Wi-Fi ថ្មីនោះ របស់ Qihoo គឺជាការបង្កការភ័យខ្លាចទៅវិញទេ។
យោងតាមការចុះផ្សាយរបស់អង្គការសុខភាពពិភពលោកបានឲ្យដឹងថា ការសិក្សាស្រាវជ្រាវថ្មីៗនេះបានបង្ហាញថាមិនទាន់មានភស្តុតាងណាមួយ ដែលអាចបញ្ជាក់ថាពីរលកសញ្ញាម៉ាញេទិចខ្សោយៗ ហើយធ្វើឲ្យមានផលប៉ះពាល់នៅឡើយទេ។ ប៉ុន្តែនៅតែមានការសិក្សាបន្តទៀតរបស់អង្គការនេះ ដើម្បីដឹងពីផលប៉ះពាល់ដែលអាចកើតមានហើយមិនទាន់ស្វែងរកឃើញ១០០%ក្នុងពេលបច្ចុប្បន្ននេះឡើយ។
ការប្រើប្រាស់នូវមុខងារថ្មីរបស់ក្រុមហ៊ុន Qihoo គឺមានន័យថាជាការបន្ថយនូវរលកសញ្ញាសម្រាប់មនុស្សស្ត្រីមានផ្ទៃពោះប្រើប្រាស់ ប៉ុន្តែនេះមិនខុសពីការនៅឲ្យឆ្ងាយពី Wi-Fi ដើម្បីបន្ថយរលកសញ្ញាប៉ុន្មានដែរ៕
Post a Comment