វាជារឿងមួយចម្លែកបានកើតឡើងក្នុងកម្មវិធីមើលផ្លូវនានាក្នុងពិភពលោកតាមរយៈGoogle បន្ទាប់ពីក្រុមហ៊ុនសម្រេចធ្វើមុខសត្វគោមួយក្បាលឲ្យស្រអាប់មើលមិនស្គាល់ ។
កម្មវិធីGoogle Street View ជាកម្មវិធីមួយរបស់ក្រុមហ៊ុនGoogle ដើម្បីឲ្យមនុស្សម្នាអាចមើលឃើញនៅគ្រប់ទីកន្លែងលើផែនដីតាមរយៈកាមេរ៉ាថតរបស់ខ្លួន ។ តាមធម្មតាក្នុងកម្មវិធីនោះរូបថតនឹងបង្ហាញផ្លូវមនុស្សម្នា អគារ ហាង ក្រុមហ៊ុន និងអ្វីគ្រប់យ៉ាងដែលគេបានថតជាប់ តែក្រុមហ៊ុនរក្សាសិទ្ធិឯកជនរបស់គេកាលណាថតជាប់រួបមនុស្ស ហើយឃើញមុនក្រុមហ៊ុននឹងធ្វើរូបថតនោះមិនឲ្យច្បាស់លើមុខមនុស្សក្នុងរូបថត ដើម្បីកុំឱ្យគេស្គាល់អត្តញ្ញាណដឹងដោយកម្មវិធីម្យ៉ាងឈ្មោះGoogle’s automated blurring software ។ ប៉ុន្តែអ្វីដែលប្លែកនាពេលនេះដោយសារក្រុមហ៊ុន Google សម្រេចធ្វើមុខគោរូបគោមួយក្បាលដែលគេថតបានមិនឲ្យច្បាស់ដែរ ។
លោកDavid Shariatmadari ដែលជានិពន្ធនាយកនៃសារព័ត៌មានល្បី Guardian បានសរសេរក្នុងបណ្តាញសង្គមថា ពិតជាអស្ចារ្យណាស់ដែលក្រុមហ៊ុនGoogle យកចិត្តទុកដាក់ខ្លាំងចំពោះសត្វគោ ។
រូបសត្វគោដែលក្រុមហ៊ុនថតនោះ គឺស្ថិតនៅក្បែរទន្លេក្នុងសង្កាត់Cambridge ចក្រភពអង់គ្លេស វាហាក់ដូចជាកំពុងស៊ីស្មៅ វាត្រូវថតនៅឆ្នាំ២០១៥ ។
ក្រុមហ៊ុន Google បានចាប់ផ្តើមមានកម្មវិធីធ្វើឲ្យមុខមនុស្សមិនច្បាស់តាំងពីឆ្នាំ២០០៨ ។ ក្រុមហ៊ុនមិនបានបញ្ចេញមតិអ្វីលើរូបសត្វគោនោះទេ តែគ្រាន់តែបកស្រាយថា វាច្បាស់ណាស់ថា បច្ចេកវិទ្យាធ្វើមុខឲ្យព្រាលដោយស្វ័យប្រវត្តិពិតជាដំណើរការល្អហួសបន្តិច ។ ហើយយើងក៏មិនត្រូវច្រណែននឹងសត្វគោមួយក្បាល ដែលវាមានឈ្មោះល្បីត្រឹមរយៈពេល៥នាទីនោះ ៕
Post a Comment