អាការៈដែលប្រឈមនឹងជំងឺមហារីកសុដន់
-មានប្រជ្រុយថ្មី ឬប្រជ្រុយដែលចាស់នោះប្រែប្រួល
ប្រជ្រុយជាទូទៅ គឺប្រឈមនឹងជំងឺមហារីកស្បែក ប៉ុន្តែវាក៏អាចបញ្ជាក់អំពីមហារីកសុដន់ដែរ។ ស្ត្រីដែលមានប្រជ្រុយលើខ្លួនច្រើន គឺប្រឈមមុខខ្ពស់នឹងជំងឺមហារីកសុដន់ ច្រើនជាងស្ត្រីដែលគ្មានប្រជ្រុយរហូតដល់១៣ភាគរយឯណោះ។
បើសិនជា ជំងឺមហារីកសុដន់រាលដាលទៅសួត វាអាចនឹងបញ្ចេញជាអាការៈក្អក ឬស្អកកជាប់រហូត។ អាការៈពិបាកដកដង្ហើម និងក្អកស្ងួតភាគច្រើន គឺជារោគសញ្ញាដែលគួរតែតាមដាន។
មហារីកសុដន់ នឹងបណ្តាឲ្យមានបញ្ហាបម្រែបម្រួលអ័រម៉ូន និងបង្កជាភាពស្ងួតដល់បង្ហួរនោម និងលេចនោមដោយមិនដឹងខ្លួន។ សញ្ញាជាញឹកញាប់នោះ មានដូចជា ក្អកលេចនោម សើចលេចនោម កណ្តាសលេចនោម ឬហាត់ប្រាណលេចនោម ព្រមទាំងត្រូវការនោមភ្លាមៗ។
ការអស់កម្លាំង គឺជាអាការៈញឹកញាប់មួយ ដែលកើតឡើងលើ ជំងឺមហារីកភាគច្រើន ហើយក្នុងនោះ ក៏មានជំងឺមហារីកសុដន់ដែរ។ ការអស់កម្លាំងនេះ អាចនិយាយបានថា វាមិនអាចធូរស្រាលទៅវិញ ក្រោយពីសម្រាក ឬគេងនោះទេ។ ការអស់កម្លាំងដោយសារជំងឺមហារីក មិនមែនបង្កឡើងដោយ ការមានសម្ពាធលើរាងកាយនោះទេ តែវាបែរជាមានជាប់ទាក់ទង នឹងអាការៈផ្សេងទៅវិញដូចជា ការឈឺចាប់ ពិបាកគេង និងបាក់ទឹកចិត្តជាដើម។ ការអស់កម្លាំងនេះបង្កឡើងដោយ អតុល្យភាពនៃសារធាតុគីមីក្នុងរាងកាយ ដែលមហារីកបានបង្កើតឡើង។
ថ្វីបើការឈឺចាប់បែបនេះ កើតឡើងលើមនុស្ស៨ នាក់ក្នុងចំណោម១០នាក់ក៏ដោយ ក៏ការឈឺចាប់នៅខ្នង អាចបញ្ជាក់អំពីដុំសាច់ មហារីកសុដន់ដែរ។ ការឈឺខ្នងដោយសារមហារីកសុដន់ ច្រើនតែមានអារម្មណ៍ថា ដូចជាមានសម្ពាធអ្វីមួយ នៅលើឆ្អឹងជំនី និងឆ្អឹងកងខ្នង ឬមានការឈឺចាប់នៅ ខ្នងផ្នែកខាងលើជាដើម។ រឿងនេះក៏បញ្ជាក់បានថា មហារីកសុដន់បានរាលដាលដល់ឆ្អឹងហើយ៕
Post a Comment